ထွေရာလေးပါး

အီးမေလ်းအကောင့်အသစ်တစ်ခု ဖွင့်ဖို့ဗျာယ်ဆိုကေ ကိုယ်စဉ်းစားရဖို့အချက်တိ ဂရုစိုက်ရဖို့အချက်တိကို ပြောပြပါမေ။ (၁) အီးမေလ်းလိပ်စာပီးနည်း အီးမေလ်းလိပ်စာကို ပီးရေခါ လိုရင်းတိုရှင်း ပီးစော်အကောင်းဆုံးပါ။ ကိုယ့်လိပ်စာကို လူများကိုပြောရေခါ ချက်ချင်းမှတ်မိ ချက်ချင်းနားလည် သဘောပေါက်တေ နာမေမျိုးကို ပီးရပါဖို့။ အီးမေလ်းလိပ်စာကို အရှည်ကြီးပီးစရာမလိုပါ။ (၆)လုံးဆိုကေ ရပါဗျာယ်။ တစ်ခါတစ်လီကိုယ်လိုချင်ရေနာမေမရရေအခါရှိပါဖို့။ ဇာဖြစ်လို့လဲဆိုကေ ယင်းလိပ်စာစော် အရာလူတစ်ယောက်ယူထားပြီးသားဖြစ်တေအတွက်နဲ့ပါ။ ယင်းအတွက်နဲ့ ကိုယ့်နာမေ နောက်မှာ နံပါတ်ဖြစ် ဖြစ် ဒေသဖြစ်ဖြစ် တစ်ခုခုတွဲထည့်ပီးရပါဖို့။ နမူနာပြောရဖို့ဆိုကေဘုတာစိန် နာမေနဲ့ တစ်ယောက်ကရှိပြီးသား စာသင်ခန်းထဲကို အရာ ဘုတာစိန် နာမေနဲ့ အသစ်တစ်ယောက်ရောက်လာခကေ ဆရာမက ဘုတာစိန်(၁)၊ ဘုတာစိန်(၂) ဆိုပြီးကေ ပီးရေသဘောတရားအတိုင်းပါဗျယ်။ ယပီးကေ ကိုယ်ပီးလိုက်တေ အီးမေလ်းလိပ်စာစော် တည်တည်တံ့တံ့ခန့်ခန့်ငြားငြား ဖြစ်ပါစီ။ လုပ်ငန်းအတွက် သုံးဖို့ဆိုကေ လုပ်ငန်းနာမေနဲ့ အီးမေလ်းလိပ်စာ ထားစော်အကောင်းဆုံးပါ။ ဉပမာ - ချင်းပျံကုမ္ပဏီ မှာ အီးမေလ်းလိပ်စာရွီးချယ်သင့်စော်က ချင်...

အီးမေလ်းဆိုစော် ... Electronic Mail ကို ဆိုလိုထားစော်ဖြစ်ပါရေ။ အင်တာနက်ကို အသုံးပြုပနာ Electronic Device အချင်းချင်း စာပို့ရေ စနစ်ကို ခေါ်ဆိုခြင်းဖြစ်ပါရေ။ အဂုခေတ်မှာ အသုံးပြုနိန်ကတ်တေ Social Media platform တိကလေ့ စာပို့လို့ရရေအတွက်နဲ့ အီးမေလ်းအကြောင်းကို သိဖို့မလိုအပ်လို့ မတွေးပါကေ့။ ဇာဖြစ်လို့လည်းဆိုကေ အီးမေလ်းကို Official mailing စနစ်အဖြစ်ရာ လုပ်ငန်းတိမှာ အသုံးပြုကတ်လို့ဖြစ်ပါရေ။ ယပြီးကေ အီးမေလ်း တစ်ခုရှိခကေ အင်တာနက်ထက်မှာ အွန်လိုင်းချိတ်ဆက်ဆောင်ရွက်မှုတိလုပ်တေအခါ အများကြီးအသုံးဝင်ပါရေ။ အီးမေလ်းအကြောင်းကို သိဖို့ဆိုကေ အီးမေလ်းလိပ်စာကနိန် စလို့ လေ့လာကတ်ပါမေ။ အီးမေလ်း လိပ်စာမှာ အပိုင်း သုံးပိုင်းပါဝင်ပါရေ။ နမူနာ မေလ်းလိပ်စာတစ်ခု ပြပါမယ် matharoo@sample.net 1= matharoo(မသာဦး) ဆိုစော် User Name (အသုံးပြုလူနာမေ) user name ကို ထားရေအခါ တစ်ဆက်တည်းရီးရပါရေ။ space မချန်ရပါ။ dot(.) သုံးလို့ရပါရေ။ နံပါတ်သုံးလို့ရပါရေ။ 2=@ (at)ကိုရီးထားစော်ပါ။ email sign (အီးမေလ်းလက္ခဏာ) 3= sample.net (domain name /website name) အီးမေလ်းဝန်ဆောင်မှုပီးထားရေး ကုမ္ပဏီအဖွဲ့အစည်း၏ အင်တာနက်လိပ်စာကို...