ထွေရာလေးပါး

          ကွန်ပျူတာဗိုင်းရပ်ဆိုစော် ကွန်ပျူတာ program တစ်ခုရာဖြစ်ပါရေ။ သူကဇာပိုင်အလုပ်လုပ်လေဆိုကေ ကွန်ပျူတာထဲမှာရှိရေ system သို့ application တစ်ခုကို ပုံတူပွားလို့ ကူးစက်ခံရရေ ကွန်ပျူတာထဲမှာ ခိုအောင်းပနာ ကျန်ရေကွန်ပျူတာတိကို ဆက်လို့ဖြန့်ဖို့အတွက် အလုပ်လုပ်ပါရေ။ နမူနာပြောရဖို့ဆိုကေ အဂုလက်ရှိဖြစ်နိန်ရေ Covid-19 ပိုင်သဘောတရားပါ။ ကူးစက်ခံရရေ လူကလေ့ မသိ၊ သူနဲ့ဆက်စပ်တေလူတိကလေ့ မသိခါ ပိုးကူးစက်ပြန့်လားရေပိုင်။ ကွန်ပျူတာမှာလေ့ ယပိုင်ပါဗျယ်။ အသုံးပြုရေလူက ကိုယ့်ကွန်ပျူတာမှာ ကူးစက်ခံလိုက်ရစော်ကို မသိလိုက်ပဲ အခြားကွန်ပျူတာတိနဲ့ ချိတ်ဆက်မိစော်ကတဆင့် တစ်လုံးကနှစ်လုံး၊ နှစ်လုံးက သုံးလုံး စသဖြင့်ပြန့်လားတတ်ပါရေ     ယကေ . . . ကွန်ပျူတာ ဗိုင်းရပ်ဆိုစော်ဇာကနိန်ဝင်လေဆိုကေ။ အကြမ်းပြောရဖို့ဆိုကေ လမ်းသုံးလမ်းရှိပါရေ။           အင်တာနက်ကနိန်တဆင့် ၊ Flash memory device တဆင့်၊ အင်တာနက်ချိတ်မထားရေ နတ်ဝက်(local Network) တဆင့် ကူးစက်တတ်ပါရေ။      ယကေလေ့ ဖြန့်ဝီစော်မှာတော့ Flash memory က အဓိက တရားခံပါ။ ကိုယ့်က...

ဒေနိန့်ဆိုင်မှာထိုင်နိန်ယင်းနဲ့ အာဂန္တူတတိုင်ရောက်ပါလတ်တေ။ မျက်နှာချေတိ သုန်မှုန်လို့။ သူ့ကွန်ပျူတာ ဗိုင်းရပ်စ်ကိုက်လားဆိုဝါ။ ယေဇုနန့် သူ့ကွန်ပျူတာကို လုပ်စရာရှိစော်လုပ်ပီးလိုက်ယင်း ကွန်ပျူတာ ဗိုင်းရပ်အကြောင်း ကို facebook ထက်မှာ ဆွေးနွေးပီးဖို့စော်ကို သတိရလားရေ။ နည်းပညာခေတ်ကို ဒုံးပျံစီးလို့လားနိန်ကတ်တေခေတ်မှာ ကွန်ပျူတာနဲ့ပတ်သက်လို့ အားလုံးကိုသိစရာမလိုကေလေ့ ဆောင်ဖို့ ရှောင်ဖိ ု့ အချက်ချေတိကိုသိရပါဖို့။ ယေနန့် လာဖို့တစ်ပါတ်မှာ ဗိုင်းရပ်စ်နဲ့ပတ်သက်လို့ ကြိုတင်ကာကွယ်နည်းအတွက် ဆောင်ဖို့နည်းတိ၊ ရှောင်ဖို့နည်းတိ၊ ဝင်လခကေ ဇာပိုင်ပြန်ကုဖို့လဲဆိုစော်ကို ဆွေး‌နွေးပီးလားဖို့ဖြစ်ပါရေ။ (လွန်ခရေ 2003 2004 လောက်က ကွန်ပျူတာဂျာနယ်မှာ ကျွန်တော်ရီးခရေ Flashy Virus အကြောင်း ဆောင်းပါးကို ပြန်ရှာကြည့်လိုက်ပါမေ။ ရကေ ယင်းဆောင်းပါးကိုပြန်တင်ပီးပါမေ။ မရကေ အဂု New Normal version ပြန်တင်ပီးပါမေ) Tun Lin Aung