ထွေရာလေးပါး

မိုးအေးအေးနဲ့ နေလည်းမကောင်းဘူး။ ဒီအတိုင်းနေရတာ ပျင်းလို့ ဖုန်းကင်မရာတွေအတွက် တစ်ဒေါင့်တစ်နေရာက အသုံးဝင်ရင်ကျေနပ်ပါတယ်ဆိုတဲ့ စိတ်ကူးလေးရလို့ ရေးလိုက်တာပါ။ ခုခေတ်မှာ ဖုန်းကင်မရာတွေအရည်အသွေးတွေတိုးတက်လာတာကြောင့် တစ်သိန်းဝန်းကျင်တန် ဖုန်းတစ်လုံးရဲ့ ကင်မရာအရည်အသွေးဟာ တစ်ချို့ Point and Shot Camera နီးပါးလောက်ကို ကောင်းမွန်နေပါပြီ။ ဖုန်းနဲ့ ဓာတ်ပုံရိုက်ကူးကြခြင်းဟာ ရည်ရွယ်ချက်က အမျိုးမျိုးဖြစ်နိုင်ပါတယ်။ တစ်မျိုးက ဖုန်းထဲမှာကြည့်ဖို့နဲ့ လူမှုကွန်ယက်ဆိုက်လိုမျိုးနေရာတွေမှာတင်ဖို့၊ နောက်တစ်မျိုးက ဓာတ်ပုံထုတ်ဖို့ ..။ လုပ်ငန်းသုံးဖို့(ဖုန်းကင်မရာအရည်အသွေးတက်လာတာကြောင့် တစ်ချို့ ရုံးတွေ၊ ဆောက်လုပ်ရေးကုမ္ပဏီတွေမှာ အလွန်တရာအရေးမကြီးတဲ့ ပုံတွေကို ဖုန်းနဲ့ ရိုက်ကူးမှတ်တမ်းတင်ပြီး ရုံးကိစ္စအလို့ငှာ အသုံးပြုကြပါတယ်။) ။ အွန်လိုင်းပေါ်တင်ဖို့နဲ့ မိမိဖုန်းထဲမှာ သိမ်းထား ဖို့အတွက် ဓာတ်ပုံက ဘယ်လိုပင်ဖြစ်ပစေ အဆင်ပြေပါတယ်။။ ဖုန်းကင်မရာနဲ့ ပုံထုတ်မှာပဲဖြစ်ဖြစ် လုပ်ငန်းတွေမှာပဲဖြစ်ဖြစ် သုံးမယ်ဆိုရင် တစ်ချို့ နည်းလေးတွေကို လိုက်နာဖို့ လိုအပ်ပါလိမ့်မယ်။ (၁) အချက် = သင့်ဖုန်းရဲ့ မှန်ဘီလူးမျက်နှာပြင...